Polpharma тобы басшылығында өзгеріс – Себастиян Шиманек компанияның жаңа президенті болып тағайындалды

Амстердам, 2025 жылғы 24 қазан – Орталық және Шығыс Еуропа мен Орталық Азияда жұмыс істейтін ең ірі фармацевтикалық бірлестіктердің бірі – Polpharma тобы басшылықтағы жоспарлы ауысымды жариялады.

2026 жылғы 1 қаңтардан бастап Маркус Зигер он жыл бойы атқарып келген топтың бас атқарушы директоры қызметінен кетеді. Ол өз өкілеттік мерзімі басында келісілген мұрагерлік жоспарына сәйкес Бақылау кеңесінің мүшесі ретінде топтың стратегиялық дамуына әрі қарай қолдау көрсетуді жалғастырады.

Маркус Зигердің басшылығымен Polpharma тобы айтарлықтай жетістіктерге жетті — қаржылық тұрғыдан да, сондай-ақ өзінің негізгі миссиясын жүзеге асыру жолында да:
«Біз адамдарға сау әлемде салауатты өмір сүруге көмектесеміз.» Компания Еуропа мен Орталық Азиядағы денсаулық сақтау жүйелерінің сенімді серіктесіне айналып, миллиондаған пациенттерге жоғары сапалы әрі қолжетімді дәрі-дәрмектер жеткізуде.

Ежи Старак, Polpharma тобының иесі, өз ризашылығын білдірді:
«Polpharma қауымдастығының атынан Маркуске соңғы он жылдағы адалдығы мен көреген басшылығы үшін шын жүректен алғыс айтамын. Оның көшбасшылығы компанияны күрделі әрі қарқынды кезеңдерден сәтті өткізуге мүмкіндік берді, біздің құндылықтарымызды нығайтты және болашаққа стратегиялық бағыт айқындады. Маркустің Бақылау кеңесінің мүшесі ретінде біздің командада қалатынына қуаныштымын.»

Сонымен қатар, Polpharma тобы 2026 жылғы 1 қаңтардан бастап жаңа бас атқарушы директор ретінде Себастиян Шиманектің тағайындалғанын хабарлайды. Қазіргі уақытта ол Zakłady Farmaceutyczne Polpharma акционерлік қоғамының Басқарма төрағасы қызметін атқарады (Польша).

Фармацевтика саласында шамамен 30 жылдық тәжірибесі бар Себастиян Шиманек генерикалық және инновациялық бағыттарды терең меңгерген маман. Ол Polpharma компаниясына 2007 жылы қосылып, коммерциялық бөлімде бірнеше маңызды басшылық қызметтер атқарды.
2014 жылы ол Польшадағы бас менеджер болды, ал 2017 жылдан 2021 жылдың наурызына дейін Polpharma Сауда кеңсесінің басқарма төрағасы қызметін атқарды. 2021 жылдың қыркүйегінен бастап Zakłady Farmaceutyczne Polpharma акционерлік қоғамын басқарма төрағасы ретінде басқарып келеді.

Polpharma компаниясындағы 18 жыл ішінде Себастиян Шиманек компанияны серпінді нарық көшбасшысына айналдыруда маңызды рөл атқарды. Оның еңбегі стратегиялық жобаларды іске асыруда, көпсалалы командаларды басқаруда және компанияның ішкі әрі халықаралық нарықтағы позициясын нығайтуда ерекше көрінді. Ник Хаггар, Polpharma тобының Бақылау кеңесінің төрағасы, атап өтті:
«Мен Себастиянның Polpharma тобын жаңа даму кезеңіне жетелейтін ең лайықты тұлға екеніне сенімдімін. Оның ұйымды терең білуі, дәлелденген көшбасшылық қабілеті, операциялық тиімділікке деген ұқыпты көзқарасы және біздің миссиямызға деген адалдығы – Топтың одан әрі өсуі мен жаңашылдығын қамтамасыз ететін мінсіз үйлесім.»